ايام زمان كانت عاده والفرحه فيها بزياده
اللمه كانت طبيعيــــه والأكل كان ع الطبليه
الأب كان يصحى ينادى بسرعه قوموا يا اولادى
بعد صلاته واوراده يهتم با فطـــار اولاده
فيه اللى يصحى والنعسان وفيه اللى بكر مع الأذان
ملوخيه كانت او فته بتكفى اولاده الستـــه
صفة الأبوه والأخوه مزروعه فيهم من جوه
مافيش خصام مافيش صدام والكل ماشى مبسوط تمام
لاحـد حاسس بالألام والعلم دافع للأمام
الخير كتير كافى ووافى قليل منه صافى وشافى
الطبخ كان على الكانون والطعم حلو وكان مأمون
الوقتى شوف التسويه عا الغاز وتبقى مهريه
الوصف من حال الأسره اللى راح منها النخوه
مــــــــات الأب قبل الحب والأسره واقعه فى الف مطب
زادهـــــا هــــم واســـاوه بــعد فــرح وهنـــاوه
دى النيا آسيه وغــداره مطلـوب تعــدى بشــطاره
و العيشه بقـت زى الغـابه والقســوه فيهــا بزيــاده
بــالله عليكم دلــونى انا مش عــاوزهــم ينــسونى
دى اللمه حلوه فيها احساس فــرقـها مال كله ها ينــداس
والدنيا فانيه ومالهــا امان لاهـــيه الظالــم والجــبان
اصــحى فــوق لاتكون نعسان دا كلــه مكتـوب فـى القـرآن